Në Kumanovë sot mbahet një tubim i organizuar nga shoqata “Paqe, Harmoni, Stabilitet”, në mbështetje të presidentit të Serbisë, Aleksandar Vuçiq.
Ndaj kësaj ka reaguar ish-ushtari i UÇK-së, Granit Osmani, i cili në një status në rrjetet sociale ka shkruar:
“A do të marrë pjesë Ali Ahmeti në tubimin në mbështetje të mikut të tij Vuçiqit në Kumanovë?”
Kjo deklaratë vjen në kontekstin e raporteve politike dhe afërsisë që është përmendur ndër vite mes liderit të BDI-së, Ali Ahmeti, dhe presidentit serb Vuçiq, veçanërisht për faktin se të dy kanë qenë mbështetës të iniciativës rajonale “Ballkani i Hapur”, projekt që ishte promovuar si platformë për bashkëpunim ekonomik dhe lëvizje më të lirë në rajon.