Më 22 janar do te zhvillohet një ceremoni nënshkrimi e Bordit të Paqes të presidentit të SHBA-së Donald Trump për Gazën. Ceremonia është planifikuar për të enjten në margjinat e Forumit Ekonomik Botëror në Davos të Zvicrës.
Gazetari izraelit, Barak Ravid ka shpërndarë një njoftim që supozohet se është lëshuar nga Shtëpia e Bardhë për krerët e vendeve të ftuara, ku zbulohet data e ceremonisë së nënshkrimit dhe ora.
Përbërja e bordit është ende e paqartë, me disa udhëheqës botërorë që konfirmojnë se do të bashkohen, ndërsa të tjerë kanë shprehur skepticizëm ose kanë treguar se do të kenë nevojë për kohë për të peshuar vendimin. OKB-ja ka shprehur shqetësime se një organ i tillë do të përpiqet të minojë mandatin e vet.