Nxënësit kthehen në bankat e tyre. Gjysmëvjetori i dytë filloi sot, pavarësisht numrit në rritje të rasteve me grip, autoritetet kanë vendosur që mësimi të vazhdojë rregullisht.
Ministria e Arsimit dhe Shkencës u bën thirrje prindërve që të sigurohen që nxënësit të ndjekin shkollën rregullisht dhe të mungojnë sa më pak të jetë e mundur, përveç rasteve kur shfaqin simptoma të gripit.
Në pjesën e dytë të vitit shkollor, do të vazhdojë procesi i futjes së mësimdhënies me një turn të vetëm, i cili deri më tani ka përfshirë rreth 200 shkolla.
Mësuesit duhet të marrin një rritje page në mars, ndërsa në qershor, maturantët do të japin provimin shtetëror të maturës sipas një koncepti të ri, sipas llojit të arsimit.