YouTuberi dhe boksieri Xhejk Poll planifikon të rikthehet në ring në vitin 2026 dhe të garojë përsëri në divizionin e peshave ‘cruiserweight’ pas një humbjeje të vështirë ndaj Entoni Xhoshua-s. Ky informacion u konfirmua nga Nakisa Bidarian, bashkëthemelues i kompanisë së tij të promocionit “Most Valuable Promotions” (MVP).
Bidarian foli për të ardhmen e Paul gjatë njoftimit të ngjarjes së parë të organizuar nga “MVP” në Britaninë e Madhe, ku ndeshjet kryesore të mbrëmjes do të jenë Karoline Dubua kundër Teri Harper dhe Elie Skotnej kundër Majella Flores.
Ai theksoi se Poll mbetet një figurë kyçe për rritjen e kompanisë pavarësisht humbjes ndaj ish-kampionit të botës në peshat e rënda. Kujtojmë që Paul u mund nga Xhoshua pasi boksieri britanik i peshave të rënda pranoi ndeshjen me një njoftim të shkurtër. Ishte humbja e parë e Pollit në divizionin e peshave të rënda.
Pas ndeshjes, u përcaktua se Xhoshua ia kishte thyer nofullën në dy vende Pollit, i cili nuk ndalet dhe sërish do të hyj në ring.