Kryetarja e komunës së Preshevës, Ardita Sinani, në fjalimin e saj në Kongresin e sotëm të VLEN, theksoi se momenti i bashkimit dhe konsolidimit të këtij subjekti politik duhet të shërbejë si shembull për bashkimin e shqiptarëve kudo në rajon ku ata jetojnë si pakicë.
Sinani u shpreh se beson fuqishëm që konsolidimi i VLEN-it do të ndikojë në forcimin e bashkëpunimit ndërmjet shqiptarëve të Maqedonisë së Veriut dhe shqiptarëve të Luginës së Preshevës.
“Ky moment i bashkimit dhe konsolidimit të VLEN-it duhet të jetë shembull për bashkimin e shqiptarëve kudo në rajon ku ata janë pakicë”, deklaroi Sinani gjatë fjalimit të saj.
Ajo theksoi gjithashtu rëndësinë e bashkëpunimit politik, institucional dhe kombëtar mes shqiptarëve në rajon, duke vlerësuar se uniteti është çelësi për avancimin e të drejtave dhe interesave të tyre.