Kryeministri hungarez Péter Magyar deklaroi se European Union duhet t’i pranojë vendet e Ballkanit Perëndimor, të cilat prej vitesh janë kandidate për anëtarësim, përpara Ukrainës.
“Nuk mund të ketë dy mënyra të ndryshme pranimi në BE. Çdo shtet që dëshiron të anëtarësohet duhet të kalojë të njëjtat procedura dhe të plotësojë të njëjtat kushte”, tha ai në një deklaratë për agjencinë austriake APA në Vjenë.
Ai theksoi se Bashkimi Evropian duhet fillimisht të pranojë vendet që prej kohësh po përgatiten për anëtarësim, kanë bërë sakrifica, kanë marrë obligime dhe kanë përmbushur premtime, para se t’u premtohet ndonjë status vendeve të reja kandidate.
Sipas tij, në të kundërtën, BE-ja rrezikon të humbasë kredibilitetin në vendet e Ballkanit Perëndimor. Magyar shtoi se stabiliteti dhe siguria e Ballkanit janë në interes jo vetëm të rajonit, por edhe të gjithë Evropës.
Lidhur me anëtarësimin eventual të Ukraine në BE, ai deklaroi se kjo nuk mund të ndodhë “as nesër dhe as pasnesër”, duke shtuar se, nëse ndodh ndonjëherë, kjo do të ishte më së hershmi pas dhjetë vitesh.
Ai paralajmëroi gjithashtu se nëse Ukraina i plotëson kushtet dhe dëshiron ende të bëhet pjesë e BE-së pas përfundimit të luftës, Hungary do të organizojë referendum për këtë çështje.
Në lidhje me paktin e ri për migracionin dhe azilin, Magyar tha se Hungaria ndan të njëjtin qëndrim me Austria për nevojën e mbrojtjes së kufijve të jashtëm të BE-së dhe forcimin e masave kundër migracionit ilegal.
Ai kundërshtoi dispozitat që detyrojnë shtetet ose të pranojnë azilkërkues ose të paguajnë për ta, duke theksuar se Hungaria nuk mund ta pranojë një qasje të tillë.